Afsakið! Tölvan mín fékk þessa þýsku tölvuorma um daginn og er eiginlega búin að vera svoldið fokkt síðan. Núna er hún nýkomin úr viðgerð og er loksins komin með almennilega vírusvörn. Það er eiginlega ástæðan af hverju ég hef eiginlega ekkert verið að blogga í mjög langan tíma. Svo fór ég nefnilega líka á roskilde, og er búinn að vera geðveikt latur og eitthvað svo ligeglad eftir að ég kom heim. Ætli maður hafi ekki smitast af einhverjum danavírus. Já, en roskildehátíðin var geðveik!!! Var þarna með stórum hóp af fólki ( að mestu leyti fyrrverandi nemendu úr MH). Það var allt frekar gott fólk og má segja að stemmingin hafi verið eins og á dönskum kommúnum sem voru ráðandi á hippatímanum (fyrir utan lausleikann). Það var alltaf til nóg af bjór og ýmsu öðru svo maður hafði allt sem maður þarfnaðist. Þetta var án efa ein magnaðasta upplifun lífs míns og væri ég alveg til í að fara aftur. Ætla samt að koma betur að hátíðinni seinna og jafnvel skella myndum frá henni hingað inn í leiðinni. Var svo núna um helgina í bústað hjá Sólveigu Helgadóttur ásamt fullt af góðu fólki, en kem líka betur að því seinna! :)
